Tipikal na babae si Estela saan mang aspeto tingnan. Kagaya rin ng iba ay ipokrita siya na hindi amining may nakahanda siyang paghanga sa mga lalaking may natatanging personalidad. Pero ang paghangang agad na umusbong sa kanyang dibdib para kay Nathaniel ay isang bagay na ni sa hinagap ay hindi niya kailanman gugustuhin. Sino ang magmamahal sa isang lalaking matagal nang hindi nabibilang sa daigdig ng mga mortal? Siguradong hindi siya.