Ang sabi ng iba ay makulay ang paligid kapag nagmamahal ang isang tao; minsan pa nga daw ay pink. Talaga? Kung ganoon nga, bakit gray yata ang sa kanya? Nangangahulugan bang hindi siya papalarin sa bagay na iyon?
Ang sabi ni Tiyang Maring, ang bawat tao raw ay isinilang nang may kabiyak ng puso…’yung soul mate daw kung tawagin ng marami. Pero paano kung ang soul mate na itinakda sa kanya ay perpektong imahe ng isang lalaking pinakaaayaw niya? Magagawa ba niya itong tanggapin o mas iibigin pa niya ang tumanda nang mag-isa?

“Hindi kita gusto…hindi rin kita lubusang kilala kaya nakapagtatakang mahal kita.”