“Ayoko na dito. Ayawan na.”
Nagulat si Phil nang marinig ang sinabi ng asawang si Abigael. Well, ang tinutukoy lang naman niya ay hindi isang laro kundi ang mismong kanilang kasal. Para sa kanya, iyon na ang pinakamabuting paraan upang maiiwas niya ang sarili sa sakit na posibleng idulot sa kanya ni Phil. Natatakot kasi siyang umasa na balang-araw ay mamahalin din ng lalaki. Lumakas lang ang loob niya nang sinabi ni Lola Merced na magkakampi sila nito. Pinatunayan naman iyon ng matanda, katunayan ay kung anu-ano ang naiisip nito para lang mapaglapit ang loob nilang mag-asawa. Masaya na sana kung hindi lang sumulpot mula sa kung saan si Carmilla, ang babaeng unang minahal ni Phil. At hindi lang iyon, may kasama pa itong bata na ang itinuturong ama ay walang iba kundi ang kanyang asawa. 
Hanggang saan ang kaya niyang gawin para kay Phil? Ipaglalaban ba niya ang karapatan dito laban kay Carmilla o tulad nang una ay sasabihin na naman niya ang pamatay niyang linya.
“Ayoko na dito.Ayawan n