Si Marco ang kasintahan ni Stelah at sa loob ng dalawang taong pakikipagrelasyon dito ay inakala niyang masaya na rin siya sa piling ng nobyo. Sa paniniwalang ito ang lalaking itinadhana para sa kanya ay hindi siya kailanman nag-isip ng anumang negatibo kahit pa nga unti-unti na niyang nakikita ang totoong kulay ni Marco. Subalit nagulo ang mundo ni Stelah nang makilala si Baron, ang nakababatang kapatid ng nobyo. Ang ugali nito ay eksaktong kabaligtaran ng pag-uugali ni Marco kaya naman sa tuwina ay kinaiinisan niya ang lalaki. Pero bakit malimit niyang hinahanap-hanap ang presensiya nito? Bakit may nadarama siyang kakaiba sa tuwing makikita ito? Dapat ba siyang mabahala sa pagdating ng bunso ng mga Buencamino?