Opah Rodriguez is a twenty – five year old writer of CE Network. Bukod sa pagiging mahusay na manunulat ay taglay din nito ang maraming katangiang hinahanap ng kahit sinong lalaki sa isang babae. Subalit sa kabila ng mga katangiang iyon ay wala itong boyfriend. Katwiran nito ay abala ito sa trabaho kaya naman balewala dito kahit malimit itong tuksuhin at ipareha ng mga kasama kay Amere Saavedra, ang news researcher ng team nila na sa edad na treinta ay wala pa rin sa isip ang pag – aasawa.

According to Amere, women come and go at hobby lang nito ang magpalit ng girlfriend. Subalit sinubok ng pagkakataon ang dalawa nang magkaroon ng documentary report ang Team Eagle na kinabibilangan nilang dalawa, sa isang liblib na lugar sa Iligan na kung tawagin ay Sinugban. 

Hanggang kailan nila mapaninindigan ang kani–kanilang paniniwala tungkol sa pag–ibig kung mismong puso na nila ang nagtuturo ng daan pabalik sa piling ng isa’t–isa?